好耐冇上過黎自己既xanga 度勒﹙我就係一個咁賴既人﹚ 等我又交待下自己先..... 1. 仍然做緊兩份工...... 2. 仍然成日都唔夠訓..... 3. 開始返玩band勒﹙呢樣緊要勒﹚ 4. 前日開始，變返做個單身男 anyway, 我諗我仍然係我，其實冇咩大改變羅﹙定係冇咩進步到呢﹚ 前晚去左GUGU 既WEDDING DINNER 度， 見返好多朋友，好開心佢嫁左俾個好老公， 係度祝佢新婚愉快先。 係晚宴上面見返好耐唔見既呀佳、呀康、RONNY、FUR SAN......... 雖然咁耐唔見，但仍然係咁好朋友，我覺得做朋友就係咁， 唔使成日見到，不過一見到面又唔會覺得陌生， 咩都可以講到，有咁既朋友真係好正....... 飲完再去飲過，搞到五點幾先返到屋企，雖然第二日要返工， 不過仍然覺得係一件開心既事，可能因為你地陪住我， 我冇去諗返D唔開心既野啦...... 所以幾時都話，朋友係重要既，尤其是係你失戀既時候..... 尋晚大佬生日，一家人走去沙田龍華度食乳鴿， 話說細個既時候我地間中都會去食， 果時真係好期待同埋好開心可以食到架..... 不過今次就真係失望而回..... 我地6個人叫個8人套食..... 開頭D乳鴿真係幾好味既﹙不過都唔及以前LU﹚， 但係食完乳鴿之後，等左成個鐘都唔見第二度菜黎..... 屋企人前始有少少不滿.....點知唔黎尤自可..... 一黎到一放入口，難到到不得了..... 最後老媽子話一定要投訴喎..... 不過其實又有咩用丫，咪一樣要埋單..... 不過，第時你叫我黎你地度食野..... 我就一定唔會黎，同埋唔會介紹俾朋友羅..... 因為我都學識左一句野就係「........一次過」 | 
